【過年必聽】MastaMic最後一年Rap Up 十年香港大事紀錄正式完結

撰文:彭嘉彬
出版:更新:

一年容易又新春,講就講得好輕鬆,其實一年內發生咗幾多件大事,可能我哋都未必記得清楚。由08年開始,本地Rapper MastaMic就開始咗一個習慣,就係逢過年前都會推出Rap Up,用Hip Hop回顧香港過去一年發生的大事。十年又過去,Rap Up系列由08推出到17,雖然過程中有人批判他的Flow每年也差不多,又有人覺得他是為「抽水」而寫歌,但「Rap Up系列」整整紀錄了一個世代的小城大事,沒有堅持是絕對做不到。襯著新春推出《17 HK Rap Up》,不論你是否同意他當中的想法,MastaMic也的確有把網民的意見放在心上,不停改進音樂風格,令人敬佩,畢竟每年做一段長達十分鐘的Rap Up敘述香港大事,實在需要花很多心力。

除了推出今年Rap Up,MastaMic更將於下月舉行個唱。

Rap Up系列來到最後一年,沒有刻意賣弄煽情,照樣由娛樂Rap到港聞。他坦言:「其實Rap Up就等於每年新聞嘅大事回顧,每年都一樣咁做。係咪因為用Rap嘅形式,所以每年都要用新嘅Style去做?其實喺我心目中,Rap Up唔係畀Hip Hop迷聽嘅嘢,而係去到6、70歲嘅人,聽到唔知係咩嚟嘅,佢哋都會覺得得意,容易接受嘅嘢。」十年間,他其中一個最大的感受就是:「十年來沒有認真享受過聖誕節及農曆新年,因為每年這段時間也在為Rap Up趕工,作最後修輯。」而他亦坦言:「最大轉變應該是做Rap Up的理念。由最初單純希望自己有多些人認識,去到後來,我發現原來真的每年也有追聽這個系列,會有人追問Rap Up何時推出。但慢慢地Rap Up不單是MastaMic的產物,更是屬於大家的。」

空間小小的工作室,便是MastaMic創作Rap Up的地方。每年他為Rap Up籌備的資料搜集,足夠出一本書。 (影片擷圖)