演唱會尾場再合唱《死性不改》 張敬軒:網民話要還返Boy'z畀佢哋

撰文:
最後更新日期:

《張敬軒Hinsideout演唱會2018》昨夜完成最後一場紅館演出,事隔四年再開個唱,軒仔在台上百感交集,仿似要將四年間的累積全數與樂迷分享。

攝影:黃國立

演唱會進入「火」的部份,軒仔換上紅色bling bling貼身西裝,先唱出Soul味濃的《騷靈情歌》,及後節奏一轉,再唱出玩味十足、重新編曲的《兩座位跑車》及《羅賓》,少有地看到軒仔跳脫起舞的一面。

穿起紅色貼身西裝,整個演出也Soul起來。(黃國立攝)

隨著《缺》的結束,演唱會進入「水」的部份,說是最有驚喜、最有心思、最精彩的一部份也不為過。首先出現在觀眾眼前的,是尺八演奏家千鳥幸生演繹出一段哀怨的前奏,軒仔現身唱出《下次愛你》、《井》、《天堂有路》。配合著馬頭琴演奏家許福雄、二胡演奏家朱芸編的伴奏,以及台灣大環表演者楊世豪和「四度舞蹈劇場」技驚四座的演出,令音樂變得更意象化,觀眾的掌聲及驚嘆聲也從未停下。軒仔親自解釋,其實這一部分是有意思的:「金木水火土五行,係每個人都有嘅元素。不論你係貧窮定富有,最後都會好公平咁歸於宇宙、歸於無限。」

「水」的部份最為驚喜,藝術與觀賞性並重,大環表演者楊世豪的演唱會令觀眾尖叫不已。(黃國立攝)

藝術成分重之餘,軒仔亦在演唱會中放入本土元素。唱出近期翻唱天碟的作品《黃色大門》及《囍帖街》時,舞台下升起一個巨形LED屏幕,重現出利東街皆日的景況。

唱《囍帖街》時,舞台重現出利東街的昔日景觀,相當有心思。(黃國立攝)

演唱會中最令人灑淚的一部份,絕對是軒仔述說是樂迷亦是朋友的離世癌症病人Toby的故事。他憶述:「當時佢每次同我錄音都要打嗎啡,後來有一段時間佢住喺威爾斯親王醫院嘅兒童癌症病房。好記得有一次我去探佢,一出電梯就見到佢媽咪喺度喊,我問佢有冇事呀?先發現Toby瞓咗喺度個樣好病,但係佢一見到我,就成個人彈返起身好似冇晒事咁,連姑娘都笑佢扮病。喺嗰一刻,我前所未有咁覺得,自己嘅工作係咁重要。今晚係我最後一晚帶Toby上紅館。」與Toby「隔空合唱」出《預言書》時,軒仔幾度哽咽得唱不出聲。

軒仔最後一次帶離世樂迷Toby上紅館,場面感人。(黃國立攝)

Encore部份,軒仔問道:「今晚大家想唔想有嘉賓?定係想我唱多啲歌?」台下觀眾表示兩樣都要,他笑說:「我都未見過紅館核爆㗎!之前有網民話要還返Boy'z畀佢哋,今晚係尾場,不如我哋再邀請佢哋上嚟囉?」現場掌聲雷動,彷彿真的身處核爆現場,這兩位「臨時嘉賓」被即興請上台感到又驚又喜,一時反應不來。Boy'z合唱《死性不改》之餘,軒仔更大爆Boy'z即將舉行音樂會。

作為觀眾的Boy'z再次被邀上台,紅館六天內經歷兩次「核爆」。 (黃國立攝)

Encore尾段,軒仔一口氣唱出《餘震》、《只是太愛你》、《Hurt So Bad》、《櫻花樹下》、《My Way》、《追風箏的孩子》、《襯》、《春秋》等多首名曲,怎料樂迷大嗌Encore嗌唔停,最後軒仔再度上台唱至12點才正式完結演出。

樂迷encore嗌唔停,軒仔最後唱到12點先完場。(黃國立攝)

慶功宴上,軒仔表示完結今次的紅館演出後,已積極籌備一個與香港中樂團的演出。接受《香港01》訪問時,軒仔表示今次演唱會最喜歡的部份是「水」為主題的演出,當中很多出色的藝術家如大環表演者楊世豪,也是他親自邀請參與在演唱會當中。在今次這樣破格、藝術成分高的演唱會完結後,軒仔原來還有事情想做:「想喺新光戲院搞一場懷舊騷,今次好多Fans問我,點解唔唱下啲懷舊歌呀?其實我係好鐘意唱老歌,所以我好想做一場演唱會,就係畀一啲60後、50後、40後,甚至係30後聽。」

軒仔接受訪問時透露正著手準備下一次演出。(黃國立攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。