Supper Moment絕望座位表全數爆滿 主辦:有意加開幾場

撰文:彭嘉彬
出版:更新:

Supper Moment將於11月舉行他們首次紅館騷,門票在今日早上正式開賣,不少樂迷一大清早到各大售票處排隊,可惜早上10點開售不久,門票已悉數清光。讀者施小姐(化名)表示:「今朝7點幾喺青衣通利開始排隊,排到我嘅時候已經賣晒。」由於今次演唱會只開三面台,加上主辦需要預留門票作優先訂票及贊助商之用,故此三場均驚現「絕望座位表」的情況,看見滿滿的黑色座位,樂迷也只好表示無奈。

今日Supper Moment的演唱會門票正式開售,再次驚現「絕望座位表」。 (網絡圖片)

Supper Moment接受訪問時表示:「其實每次演唱會開賣前都會好緊張賣唔晒,但好多謝各位支持,令今次演唱會爆滿。我哋好多親戚朋友都無飛,連公司同事今日都要親自落售票處排隊,買多幾張幫補下。」今次售票情況激烈,似乎又即將掀起一股「黃牛風」,不過Supper Moment成員也相當大方表示:「我哋要眾志成城,大家一齊唔幫襯黃牛!就算到時有吉位都唔介意!」

Supper Moment呼籲樂迷不要購買黃牛飛:「就算有吉位都唔介意!」 (資料圖片)
到底Supper Moment能否成功加場,便要視乎大家能否感動紅館,延遲裝修了。 (資料圖片)

正當大家也關心Supper Moment會不會再加場的時候,似乎又出現了一線曙光。《香港01》訪問主辦單位時,大會主辦Katie 陳家瑛表示:「好多謝大家支持,反應咁好當然開心,我哋都好想加埸,但因為紅館要裝修,所以冇辦法,如果紅館可以延後一兩天裝修期就好啦,我哋正準備同紅館商量爭取加場。」Supper Moment得知消息亦表示:「睇下紅館可以畀幾多期我哋,我哋希望可以成事,令更多粉絲買到。」一眾樂迷能把Supper Moment推上紅館,深信再加把勁為他們爭取加場也不是難事,但到底最後能否加場,似乎便要視乎樂迷反應有多熱烈,群情有多洶湧了。