鄭中基開個唱前唔敢再接朋友電話:上次搞出大頭佛!

撰文:賴家杰
出版:更新:

鄭中基(Ronald)今天(29日)出席健身店開張活動,Ronald為明年演唱會現在也積極健身及減肥,他透露現在已經瘦了十多磅:「我之前增磅增咗三十幾磅,而家落返十幾磅,仲差十幾磅。」雖然鍛鍊好辛苦,但Ronald指演唱會不會露肉:「鍛鍊咁辛苦都係為咗唱好啲歌。」

鄭中基(Ronald)今天(29日)出席健身店開張活動。(賴家杰攝)

Ronald對上一次於紅館開演唱會便邀請了爸爸在台上唱歌,這一次他則希望在台上三代同堂:「上次我個囡囡只係唱咗幾句歌,今次佢想唱成首,亦希望可以同爸爸一起彈埋同一首歌,咁就三代同堂做一Part。」至於囡囡會不會選兒歌在台上唱,Ronald有信心地說屆時唱兒歌也會變到不兒歌。

Ronald透露演唱會會與爸爸及女兒在台上三代同堂唱歌。(賴家杰攝)

提到每次Ronald開演唱會都會全城搶飛,他自爆現時已經不敢接朋友電話:「我上一次亂咁接電話已經搞咗一個大頭佛出嚟,乜都話得呀,好呀,冇問題,原來係唔得,所以都係交畀公司同事,我唔插隻腳入嚟。」

+3