葉振棠宣布成功申請6月紅館檔期 開個人告別演唱會：我冇乜遺憾
撰文：吳子生
出版：更新：
葉振棠（棠哥）今日（28/3）現身西營盤出席《葉振棠80專輯》新聞發佈會。棠哥透露申請紅館開演唱會獲批，心情興奮說：「我暫時知道會喺6月份舉行我第一次嘅個唱，紅館我做過好多，但今次係我個夢想嚟，我好希望到時得到大家嘅支持。（申請過程好困難？）之前申請係商業業演唱會就唔係個唱，我諗十年間都申請咗8次，但最終都係冇批到。」
葉振棠今日出席《葉振棠80專輯》發佈會，米雪現身支持。（葉志明攝）
葉振棠宣布6月份紅館開個人演唱會。（葉志明攝）
棠哥續說：「今次能夠申請到係還咗我個願望，我諗我都冇乜遺憾。（紅館係咪告別演唱會？）我唔知明年我體力仲做唔做到，可以今次係我最後一次嘅個唱，而其他有意義嘅群星演唱會，我都會出席。」
葉振棠表示申請紅館檔期相當困難。（葉志明攝）
場面熱鬧。（葉志明攝）