Lolly Talk任七欖嘉賓緊張到手震 阿蛋想買樓八個一齊住
撰文：鄺鈺瑩
出版：更新：
Lolly Talk阿蛋同Mei Mei 擔任HOY TV綜藝節目主持，去到元朗探索百年古宅，節目已經拍到第三季，兩位都表示要好好表現，爭取做常駐嘉賓。問到平時有無睇樓習慣，阿蛋表示：「又無，目的係買樓，我哋仲諗過要8個一齊住，個間屋要有排舞室。不過最近我哋忙緊籌備新歌。」Mei Mei 透露新歌會以時間為主題，並將會設投票活動，好讓粉絲一齊參與創作，有望今個月推出。
Mei Mei 同阿蛋為HOY TV節目做嘉賓，去到元朗探索古宅。（葉志明攝）
提到早前首登大球場為七欖任表演嘉賓，Mei Mei透露早在一個月前已開始準備：「出場時真係好緊張，第一次喺咁大嘅場地演出、亦都好榮幸可以受到邀請。」阿蛋話直到上台一刻都依然緊張，Mei Mei仲緊張到手震，但音樂一響眾人即進入狀態，而之後亦有留底觀賞賽事。
阿蛋話有諗過住大屋同Lolly Talk 成員一齊住。（葉志明攝）