廖碧兒爆多追求者 約會食飯要執到靚：唔可以求其
撰文：吳子生
出版：更新：
廖碧兒（Bernice）今日（11/4）現身灣仔會展出席「全港廚師精英大匯演」記者招待會。Bernice受訪時表示：「今日好開心能夠同啲小朋友一齊整蛋糕，因為佢可以畀到好多靈感畀大人，佢哋係好無限可能嘅創作，反而我要喺佢哋身上攞靈感。本身我真係好鍾意小朋友，變咗我都有幫咗唔同嘅機構，之前助養咗5位小朋友，由3歲至5歲都有，每年大家都有書信來回，見到佢哋已經長大成人，喺個機構都工作。」
廖碧兒今日出席活動。（葉志明攝）
被問到有否想過雪卵？Bernice笑言：「其實我都成日都會見到呢啲資訊，咁對於一位女性嚟講，都只係幫你延長個時間，而我就冇壓力話想要小朋友，亦唔想同一個唔啱嘅人而一齊，咁所以呢樣嘢要啱先的。講真自己係鍾意小朋友嘅，但我就覺得呢啲就順其自然，同埋我幫到其他小朋友我已經好開心。（感情生活如何？）而家定咗喺一個地方，我可以諗吓。而家同朋友約出街食飯都要執靚啲，唔可以求其，因為我啲朋友好蠱惑，佢哋會介紹啲新朋友我識。（好多追求者？）哈哈，開心囉，有人追係應該嘅，Ok拜拜。」
廖碧兒透露感情未有着落。（葉志明攝）