陳懿德回應與羅天宇緋聞 ：大家應該專注喺工作上面
撰文：吳子生
出版：更新：
陳懿德（德德）今日（13/4）現身將軍澳電視城出席無綫綜藝節目《福祿壽訓練學院》節目錄影。對於被指與有「女神收割機」之稱的羅天宇秘撻一年，德德在接受《香港01》訪問時否認：「其實我同羅天宇係好朋友，通常我哋都係一齊成班人食飯又或者玩咁，變咗我都唔知點解會變成咗我同佢一齊。其實當日有報道話我同佢一齊，我係有啲驚，因為我冇試過有呢啲新聞，令我係唔知點樣去處理。」
德德否認同羅天宇拍拖。（梁碧玲攝）
陳懿德和郭珮文今日出席節目錄影。（梁碧玲攝）
被問到有沒有機會發展時，德德表示：「我覺得如果拍劇嘅話，就可以留返喺劇入面發展。（咁係咪現實就唔會？）我就覺得呢個世界，好多嘢都講唔埋，但我就覺得大家就應該專注喺工作上面，因為公司畀咗好多機會我哋。（羅天宇被稱為『女神收割機』好受女性歡迎，你驚唔驚？）我哋做朋友點會驚呢啲㗎。（咁係咪唔會揀啲咁受女性歡迎嘅男仔做男友？）咁我又唔會嘅，咁你自己都要對自己有信心，同埋對對方有信心先得，咁先會一齊啫，但我就覺得做朋友係唔會驚嘅。」
陳懿德和郭珮文今日出席節目錄影。（梁碧玲攝）
大合照。（梁碧玲攝）