福祿壽訓練學院｜麥嘉欣未考慮簽約TVB發展：屋企人照顧我為主
撰文：吳子生
出版：更新：
澳門小姐麥嘉欣今日（13/4）現身電視城出席無綫綜藝節目《福祿壽訓練學院》錄影。提到首集憑扮「火雞姐」因為形象極大反差，成功一夜爆紅，嘉欣在接受《香港01》訪問時表示：「其實今次都係用玩嘅心態嚟參加，又冇話好驚輸嗰種感覺，又或者好想贏嗰種心態，都係以平常心咁去面對，變咗冇包袱，咁所以係玩得好開心。（無綫係咪搵你傾緊簽約？）哈哈，唔知呢！（自己想唔想香港拍劇？）自己係好鍾意拍戲嘅，都有參與唔同嘅製作，但香港就未試過。」
麥嘉欣今日為無綫綜藝節目《福祿壽訓練學院》錄影。（梁碧玲攝）
被問到想唔想簽約無綫成為旗下藝人時，嘉欣表示：「其實都可以合作嘅，但我都係屋企人照顧我為主嘅。（屋企人照顧會安心啲？）係因為我實在太多唔同嘅地方做嘢，變咗我就比較好少停留喺一個地方工作，咁所以我都要考慮。」
麥嘉欣未諗過會在無綫發展。（梁碧玲攝）