梁朝偉6奪影帝王晶建議唔好再拎獎 黃百鳴：做得好就應該有獎
撰文：鄺鈺瑩
出版：更新：
黃百嗚盼可以有更多措施吸引觀眾入戲院。（葉志明攝）
「全港戲院日2024」將會在4月21日（星期日）舉行，屆時全線戲院不論任何場次丶任何放映格式，將劃一票價$30。黃百鳴昨晚（15日）出席《第二十條》首映時，認為活動對電影業有幫助，但略嫌不足。「其實早年過一次反應好好，但隔咁耐再搞⋯都應該有幫助，對嗰日有幫助。我曾經同政府提出過每季搞，結果佢每年先搞。」黃百鳴指疫情過後大片才陸陸續續開拍，期望下半年有更多好戲出現，會令市況更好。
黃百鳴表示各有不同觀點，做得好就應該有獎。（葉志明攝）
而提到日前嘅金像獎，黃百鳴表示未有睇直播，對於梁朝偉再度成為影帝，他表示「攞過好多次，攞到手軟」，但對於王晶嘅「唔應該再拎」言論，黃百嗚就話：「我覺得佢做得好，應該攞就攞，係實至名歸。」