洪嘉豪感謝張敬軒教路　用心完成音樂課程回報對方

洪嘉豪完成個人演唱會後，小休兩日，今午（17日）現身觀塘出席品牌活動，獲大批「院友」（粉絲暱稱）到場支持，場面墟冚。洪嘉豪透露休息兩日都好似未能回氣，自嘲年紀大，「經理人都有問完騷要唔要放假，我懶醒話直接嚟，點知捉蟲。」休息期間，除瞓同食之外，洪嘉豪亦有睇返演唱會片段，但他表示心情矛盾。而提到尾場喊住都無甩step ，洪嘉豪自讚跳得比頭場好，又笑稱喊住都好清晰，「呢個證明我練習係好充足。（你舞王喎。）呢個都係自己畀自己嘅稱號，實際上真係無嘢個無。」

洪嘉豪又話自己所準備嘅嘢喺第二場都發揮到七、八成，而他亦多謝軒公教他落台換衫時要有嘅節奏，以及送他嘅音樂課程，又指自己嘅英文水平應該能夠應付，「我讀演藝學院時係出席率比成績更重要，所以好多同學都09去嘟卡，之後個人去邊就唔知，但我上呢個課程到時一定係活生生咁聽書，但我可能要準備下啲電腦設備先。」洪嘉豪又謂盡力上堂是對軒公最大嘅回禮，問到會唔會反送課程俾軒公，洪嘉豪表示對方好忙，所以要先問准對方。