何沛珈與阮浩棕戀情正式浮面？ 被問感情狀況回答得勁曖昧
撰文：張祖銘
出版：更新：
何沛珈、洪永城、宋宛穎和魏韵芝等藝人今日（18日）出席《早D知早D醫》記者會。提到節目當中播出「大小姐」林淑敏有份擔任嘉賓分享患乳癌，何沛珈接受《香港01》表示：「佢好堅強，佢同我分享其實之前冇話俾佢媽咪知，佢自己同佢先生去面對，咁佢亦都好積極去治療，直到佢話俾屋企人知，屋企人反而話俾佢聽要做啲咩治療，好冷靜咁樣一齊同佢面對。」她繼續大讚大小姐非常積極樂觀。
何沛珈難忘嘉賓之一大小姐在節目中分享患乳癌的點滴。（陳順禎攝）
何沛珈回應與阮浩棕傳出新戀情一事。（陳順禎攝）
講到最近在社交網首次曬和阮浩棕的合照，疑似戀情正式浮面，她聞言後笑說：「其實係我哋一齊去廣州拍嘅旅遊節目，個旅遊節目就好多人嘅，但係我哋食得太多嘢。」她指之後就相約了阮浩棕和張彥博一起跑步。有網民指張彥博站在她與阮浩棕中間位置，擺明做「電燈膽」，她笑說：「咁我揸機，咁啱張相就係咁。」被問到與阮浩棕會否有發展的機會，她回應：「唔排除，所有嘢都有機會發生嘅！」談到欣賞對方某一點，她說：「透過呢個旅遊節目，我都覺得佢幾好幫所有人搬行李，我哋坐嘅係旅遊大巴，下面嗰一層未必放得晒所有人嘅行李，好好幫我哋女仔同其他工作人員搬行李上落。」
何沛珈、洪永城、宋宛穎和魏韵芝等藝人今日（18日）出席《早D知早D醫》記者會。（陳順禎攝）
何沛珈回應與阮浩棕傳出新戀情一事。（陳順禎攝）