姚焯菲7月有信心新西蘭考獲正式駕駛執照：教車師傅冇乜點鬧我
撰文：吳子生
出版：更新：
姚焯菲（Chantel）今日（20/4）現身尖沙咀出席新歌 《Dreamscape》展覽開幕禮。對於有指她在新西蘭成功考獲車牌，有車待步出入。Chantel接受《香港01》訪問時說：「其實我仲未考到正式嘅駕駛執照，只係有一張學牌，而呢張學牌只有教車師傅喺車度，我先可以揸車架車行走，變咗嚟近7月份我就要真正車牌試，我對自己非常有信心可以合格。」
Chantel透露兩星期後便要飛回新西蘭。（陳順禎攝）
Chantel為新歌 《Dreamscape》宣傳。（陳順禎攝）
被問到有否被嚴謹教車師傅責罵過？Chantel續說：「教車師傅都係嚴謹嘅，始終都關乎安全同人命，但我又覺得佢又冇乜點鬧我，主要都係提醒我，邊啲地方要特別留意，咁當然一開始學車嘅時候都會出錯，但就冇話撞咗落人哋度，學嘅時候就冇乜驚險嘢。（有冇叫Daddy買車畀你？）我未問呀！（諗住自己買？）哈哈，唔知呀，仲有咁耐時間。」
Chantel同粉絲大合照。（陳順禎攝）