愛回家｜古佩玲被網民斥「戲霸」搶鏡頭：明白有人鍾意有人唔鍾意
撰文：吳子生
出版：更新：
古佩玲今日（22/4）現身電視城出席無綫處境喜劇《愛·回家之開心速遞》宣傳做細活動。對於早前有網民發文指她為「戲霸」，經常在劇中霸住晒成個鏡頭：「離晒大譜，群戲女主角只能背面 戲霸霸到每集都黐住主演來搶戲。」她隨即留言反擊：「關我甚麼事情？」事後雖然她極速將留言刪除，可惜為時已晚，已被網民擷圖留底。
古佩玲今日出席劇集宣傳活動。（梁碧玲攝）
古佩玲接受《香港01》訪問時表示：「其實我冇刪除個留言，而當時喺小紅書有位網民Add我想我回應一下，嗰陣時我係回應咗，同佢解釋我哋演員都好努力，同埋大家都係一齊商量拍唔同嘅鏡頭畫面，其實都係大家想呈現一個畫面出嚟，而我都有同佢講自己都有好多不足嘅地方，但我就唔知點解嗰條留言會冇咗。但本身我係冇刪除過，亦冇好似傳聞話我去反擊回應，但如果我再去回應，怕再惹出一啲誤會。（覺唔覺得做演員都好被動？）我覺得每個人都有唔同嘅意見係好正常，明白每個人都會發表個人評論，我覺得係好正常。明白有人鍾意有人唔鍾意，咁所以我覺得要做好自己。」
古佩玲明白每個人都有自己的睇法。（梁碧玲攝）