前TVB女藝人近照曝光面骨凸出極嚇人　網民建議削骨：想靚去盡啲

38歲陳嘉佳（細細粒）自約滿無綫（TVB）後轉戰內地擔任「吃播主」，一度體重達287磅，近半年成功減肥激減121磅，瘦足幾個圈，自信穿上泳衣、吊帶衫，大騷鎖骨膊頭，連臉部輪廓盡現，更有不少網民大讚細細粒五官標緻，瘦了後就更靚。

近日細細粒到了悉尼，自信在海邊打卡。相中細細粒背向海景，右手撐住頭部，側頭擺出性感放鬆姿勢。細細粒手臂瘦削。的確暴瘦不少。細細粒發文稱：「瘦了就想多拍照」，看來對減肥成果非常滿意。

不過細細粒面骨凸出，頭大身細，頗為不自然。有網民表示：「大佬你塊面做乜？」有人留言建議削骨，「想再靚啲，削面骨，想靚就去盡啲」。另外有不少人大讚她好靚女。