逆天奇案2｜驚現絕色美女李海銅 有藝訓班班花稱號：有人笑我肥
撰文：吳子生
出版：更新：
有「班花」稱號無綫新人李海銅（Nina）昨晚（30/4）現身尖沙咀出席無綫熱播劇集《逆天奇案2》收視慶功宴。Nina在劇中飾演「隔籬茶餐廳太子女」，雖然在第七集初登場只有數秒鏡頭，連一句對白都沒有，但她的仙氣樣貌已成功俘虜令一眾網民的心。
李海銅有「班花」稱號。（葉志明攝）
Nina接受《香港01》訪問時表示：「其實嗰場戲講成日偷望森Sir(陳展鵬），唔敢同佢表白，只係離遠望住佢，連客人落單我都聽唔到。相隔成年自己睇返自己嘅演出，應該個眼神可以再深情多啲。不過我屋企人就笑我肥，仲叫我減肥，可能嗰陣時啱啱訓練班出嚟仲未收水，係有啲水腫。而家個情況就好好多，相比之前我係輕咗2Kg，希望日後可以喺劇集見到中家。」
李海銅今晚出席《逆天奇案2》收視慶功宴。（葉志明攝）