獎門人｜圈中富婆挨男廁偷睇譚輝智　睇啜乒乓波興奮拍手笑到流淚

無綫綜藝《鄰住買特約：獎門人感謝祭終極篇》昨晚進行錄影，除了有獎門人曾志偉，以及獎老錢嘉樂、林曉峰、麥美恩等、還有一班嘉賓包括苗僑偉、謝天華、葉子楣、洪天明、陳山聰、黃翠如、朱晨麗、梁競徽、古淖文、譚輝智、顏米羔、陳俞霏、王玥、林若盈、陳蒨葶、王祖藍、李思捷、陳懿德以及郭珮文等，陣容鼎盛。一眾嘉賓大玩多個經典遊戲，現場氣氛非常熱鬧，笑料百出，歡笑聲不絕。

而台下就有一位嘉賓十分搶鏡，就是狄波拉 (拉姑)，她特地來捧老友曾志偉場。坐在台下的狄波拉全程看得好投入，不時睇到開懷大笑，興奮拍手，甚至笑出了眼淚，足見她看得極之開心。狄波拉的視線更經常落在《中年好聲音2》亞軍得主譚輝智身上。每當譚輝智出場又或是玩遊戲時，例如玩啜乒乓波環節，拉姑都睇到目不轉睛，似乎對他特別欣賞。譚輝智靚仔斯文，歌藝出眾，難怪吸引到拉姑的注意。在譚輝智接受傳媒訪問期間，拉姑更不惜挨住男廁門外，繼續睇她對面的譚輝智。