41歲TVB美女主持租劏房儲錢變富貴　自爆再搬複式豪宅愈搬愈奢華

現年41歲的梁芷珮（Christy）主持節目《潮什麼》系列深受觀眾歡迎。有指梁芷珮如今接廣告年賺過百萬。梁芷珮自爆試過住劏房，自收入增多後，一家五口由700多呎的青衣單位搬到現在970呎的西九龍三房單位，三名仔女均讀國際學校，更變「旅遊達人」周圍飛環遊世界，帶仔女到不同地方做義工增廣見聞。

梁芷珮曾受訪指「坐唔定」鍾意四圍搬，近日自爆租約期滿又想搬屋。她分享睇樓片段，片中梁芷珮與老公同小朋友睇複式豪宅，家中有兩層，空間寬敞，夠小朋友周圍跑周圍行。客廳出面有鋪草地的小露台，房景面向山及城景，景色怡人。廚房及廁所都非常寬闊，容納一家五口絕不是問題。

梁芷珮發文表示，對新屋十分滿意，但仍十五十六考慮中，「原來租約期滿，都唔知搬唔搬好 今日睇嘅樓其實好鍾意，遠咗不過大咗，價錢又差唔多，不過唔知啱唔啱」。有不少網民都提供意見，部分網民支持梁芷珮搬到這裡，但有人提醒要注意漏水及保養問題，以及樓梯太多構成不便。