逆天奇案2｜馮盈盈演技備受讚賞 獲泰臣千字文嘉許：冇白費心機
撰文：吳子生
出版：更新：
馮盈盈今晚（10/5）現身將軍澳電視城出席無綫熱播劇集《逆天奇案2》睇直播大結局。盈盈在劇中飾演張喜，是一名頂級黑客，而且當中有不少喊戲，演技自然流露，備受網民讚賞大躍進。而她早前透露為了這個角色，不惜自掏腰包搵泰臣學戲，終獲得好回報。
馮盈盈今晚出席《逆天奇案2》睇直播大結局。（陳順禎攝）
盈盈接受《香港01》訪問時表示：「泰臣老師佢睇咗我咁多集嘅演出，佢寫咗3篇，每篇千字文俾我，好詳細咁分析當中我演出嘅表現，同埋有啲地方係值得嘉許，例如佢話我會用到之前同佢上堂嘅時候，佢教過我嘅嘢，會有層次同埋感覺嘅嘢，係完全做得晒返出嚟，佢係好欣慰嘅，係冇白費佢嘅心機教導。同埋佢亦指回我有啲位如果再做好啲，條路係可以再行得更遠。」
馮盈盈演持大躍進，備受網民讚賞。（陳順禎攝）