樂壇天后自爆病足六個月發炎指數好高：成日覺得唞唔到氣
撰文：李一雲
出版：更新：
51歲樂壇天后鄭秀文（Sammi）上年確診新冠肺炎，所以取消了去年原定7月舉行的紅館演唱會，押後直到今年7月即將再復辦。Sammi自從確診後甚少接受媒體訪問，最近她上電台節目《叱咤樂壇》透露最近的近況，以及宣傳新歌《心魔》。
Sammi上年確診新冠肺炎後，原定去年7月演唱會押後直到今年即將再復辦。（梁碧玲攝）
Sammi最近上電台節目《叱咤樂壇》透露最近的近況。（影片截圖）
被問到身體狀況，她憶述去年確診的時期，並表示：「成日覺得唞唔到氣，所以去醫院做咗一個詳細嘅檢查，發現身體一氧化氮嘅指數好高，因為發炎指數好高，成條喉嚨同埋氣管發炎得好緊要。」她繼續指長時間唞唔到氣，原因是因為沒有對症下藥，最後全靠中醫調理才康復。她自覺從去年12月開始直到今年1月才恢復體力，並分享：「終於可以應付做嘢。（病咗大半年？）係呀，但係唔係每日都病奄奄嘅，有好多時間我都係裏面嘅體力好差。」
Sammi自爆病足六個月。（影片截圖）
她透露為了即將舉行的7月演唱會推了很多的工作，一心一意只想做好這件事情。她說：「其實自己覺得使唔使咁癲做個演唱會，我覺得有陣時人生就係有呢一份癲，乜都唔好理。其實呢段時間有好多嘅job，同埋好多其他嘅機會，好多嘅收入，我淨係覺得要做好一件事（演唱會）。」
Sammi指為了即將舉行的7月演唱會推了很多的工作。（影片截圖）
Sammi即將推出新歌《心魔》。（IG照片）
點圖看更多鄭秀文美照▼
+1