顏國樑逝世｜生前已簽捐贈信做大體老師　望對社會有貢獻

2022年公開罹患鱗狀癌嘅顏國樑，一直積極抗癌，延至昨晚（25日）因為肺炎引致呼吸急速而離世，享年71歲。

顏國樑曾表示化療的後遺症其中一樣是脫髮，原本有一頭濃密的白髮的他，索性在化療前一次過剃光。而他在得知自己患癌時，心情尚算冷靜。「我第一件事同個醫生講，我2013年已經入咗港大嗰個大體老師，我依家係咪要畀你？佢話『唔係唔係，慢慢先，都唔使急嘅』。雖然我本身信佛，但同宗教無關，我覺得有意義咪捐囉。」顏國樑認為生老病死無可避免，最重要是死得有意思，亦希望對社會有貢獻，故一早已簽捐贈信，打算死後做大體老師。