佘詩曼在內地爆紅冇忘本　重遊電視城同舊同事打招呼︰見返好開心

藝人佘詩曼近年主要在內地發展，日前，港姐出身的她因為為內地傳媒拍攝節目，回顧昔日點滴所以重返TVB電視城，TVB娛樂新聞台亦有直擊她返「娘家」！

佘詩曼憶起當年選港姐的情況，她說︰「仲記得好緊張出場，志偉佢就話『唔使驚，我哋衝出去！321，Action!』跟住我哋就行出去，開始競選。」佘詩曼直言當年是人生中其中一個緊張時刻，「因為未接觸過呢啲環境，同埋未做過live show，又驚自己記錯舞步，記錯位，講錯嘢，又驚自己唔靚，好多好多嘢緊張同埋擔心。」

佘詩曼在內地爆紅，亦沒有忘本，對TVB相當有感情。她又重遊古裝街，兼跟工作人員打招呼聚舊，她說︰「古裝街都係咁，好親切啦！其實所有地方都係好親切，同埋頭先啱啱沿路行過嚟嘅時候又撞到好多舊同事，大家見返都好開心。」講起電視城已增設便利店，佘詩曼表示好羨慕，「頭先我先喺度講，有冇搞錯，點解我哋以前冇㗎！」她指以前只有汽水機和熱飲機，大呼︰「豈有此理，而家咁好嘅！更加勤力啲啊你哋要！」