鄭嘉穎心情極好全程笑笑口 疑爆響口BB性別：要讓妹妹啦
撰文：許逸本
出版：更新：
近日鄭嘉穎宣布老婆陳凱琳(Grace）懷第三胎的喜訊，再做爸爸的嘉穎今日（30日）出席活動時，全程笑口騎騎，看得出他心情非常好！不過，當提到BB的性別時，嘉穎即落閘唔講，表示出年就會知：「我就梗係知啦，但係我唔講得嘛，到時大家就會知（Grace佗咗幾多個月？）總之出年就生㗎啦！」
鄭嘉穎疑爆響口太太今胎生女。（陳順禎攝）
鄭嘉穎將建立一家五口大家庭。(ig@kevincheng_officia)
鄭嘉穎與名媛陳小寶（大鯊）、陳細潔（鯊魚女）和曹敏莉。（陳順禎攝）
懷孕容易改變一個人的生活習慣及情緒，問到Grace生活習慣有否改變？嘉穎表示：「佢比較得天獨厚，佢食嘢就甜嘢居多，佢可以蛋糕做早餐，但又唔肥喎！」嘉穎透露自從Grace懷孕後，大仔鄭𠄘悅（Rafael)便期待BB出世：「佢成日摸住個肚，快啲叫佢出嚟玩啊！」當問到Rafael 想要弟弟定妹妹時，嘉穎疑似爆響口：「多個細佬又得，多個妹妹又得，到時候佢就知啦，有個妹妹賴嘢啦，乜嘢都要讓妹妹啦！」似乎有弦外之音！
嘉穎透露為了小朋友會減少長期在內地工作，坦言不能離開家人好幾個月：「其實都唔會離開香港，有時候都冇辦法，人生係要取捨，有時候內地啲job，一傾就四五個月，真係覆唔到呢啲時間。」直言現階段都是以家人為中心！
鄧梓峰（陳順禎攝）
張敬軒（陳順禎攝）
駱振偉和張敬軒。（陳順禎攝）