中年好聲音|龍婷以82分高分入10強 獲幾位評判力讚唱得好
撰文:胡凱欣
出版:更新:
無綫(TVB)節目《中年好聲音》昨日(19日)播出第16集,節目自去年播出後一直很受歡迎,最新一集是「第六部曲 故事之歌」的下半場,參賽者爭入10強,最低分的人將會被淘汰。龍婷一直表現都十分平穩,今日以歌曲《飄洋過海來看你》來參賽,龍婷以82分的高分入10強,一眾評判都分別給予高分。
評判之一郭偉亮(Eric Kwok)給予龍婷的評語是她值得高分:「今次係第二次真正睇你唱歌,我個感覺係呢個女仔佢同次前嗰啲參賽者最唔同嘅地方係佢雙隻眼會演戲。你個唱完全冇問題啦,好熟練,我有少少嫌太熟練,太專業,好彩你演嗰度救返,令到我覺得你唱係真誠。成件事感覺好穩固,好札實,我覺得好專業,值得高分。」
而肥媽亦給予龍婷很高的評價:「因為唱歌最緊要係感動自己,然後先可以感動人,同埋你感覺到佢講呢番說話係真誠嘅,呢個好好嘅進步。」幾位的評判都給予龍婷很好的評價,而她亦憑82分進入10強。