TVB連推3個音樂節目取替《勁歌金曲》 炎明熹有小環節讀fans來信

撰文:程嵐風
出版:更新:

隨著最後一集《勁歌金曲》-《勁歌43年情‧讓音樂高飛》圓滿落幕,無綫翡翠台今晚起將一口氣推出三個全新音樂節目,分別是由今晚 (27日)起逢周六晚11點播出、由許文軒擔任主持的《勁歌金榜》;29日起逢周一至周五晚深夜播出的《MUSIC BREAK》;及6月4 日起逢周日晚10點半播出、由冼靖峰(Archie)及潘靜文(Sherman)擔任主持的《J Music》。

今晚打頭陣播出的《勁歌金榜》內容豐富,金榜上榜歌曲名單將由原本的10個增至20 個,主持許文軒Edmond除負責報榜外,還會訪問來自不同地方、音樂界別及年齡層的歌手,透過專訪分享音樂大小事,希望能帶出「香港仲有好多高質素音樂」的重要信息。頭炮接受Edmond訪問的是張敬軒,向來搞笑的軒仔除了會大玩「難題二揀一」,更會分享創作歌曲靈感來源、踏入40歲後人生觀的轉變,及在倫敦開演唱會及拍攝MV的點滴及趣事等。

軒仔在節目中分享了創作歌曲靈感來源、踏入40歲後人生觀的轉變,及在倫 敦開演唱會及拍攝MV的點滴及趣事等。
無綫全新音樂節目《勁歌金榜》主持係許文軒,並將於今晚十一點首播。

Royal Albert Hall館長讚華人觀眾質素好:一件垃圾都冇留低

談到能在倫敦的Royal Albert Hall舉行演唱會,軒仔坦言對於音樂人是重要的里程碑,他還分享了完騷後一個感人又勵志的小故事:「場館館長特登嚟後台同我哋講,話發現華人觀眾相當好,一件垃圾都冇留低,好有禮貌同好乾淨。」軒仔說畢即滿臉笑容透過鏡頭感謝有前往捧場的觀眾。另因父母染疫而突發性要在英國留多一星期的軒仔,又與Edmond分享為何忽發奇想在當地拍MV,以及當中所遇到的大難題,其中軒仔提及在MV出現的旋轉木馬是其理想的重要元素,只是過程「得來不易」,軒仔憶述說:「初初諗住借London Eye,但原來申請批核過程要個半月時間,我等唔切…但我個人就係嗰種『永不放棄同學會』,我覺得所有事情都有解決辦法,我就Send咗個好長嘅Message畀對方…佢真係覆喎,話幫你諗咗辦法。」

軒仔透露倫敦音樂會場地館長,大讚華人觀眾乾淨又有禮貌。
MV入面嘅「旋轉木馬」原來得來不易。

另外,《J Music》主持有Archie同Sherman,而Gigi炎明熹亦有一個小環節《Gi心批》,她除負責讀出Fans來信,並會幫手「嘗試用佢個腦解答大家嘅煩惱」。

《J Music》仲有Gigi炎明熹主持嘅小環節《Gi心批》。
《J Music》主持有Archie同Sherman。