張致恆太太雯雯代言私人貸款　網友感諷刺︰借錢係咪有回贈

張致恆太太區燕雯（雯雯），雖簽未入行做過藝人，但曝光頻率次數比不少藝人都要高。為養活三名兒子及三隻狗，雯雯努力搵錢，開網店更走到幕前接拍廣告，不過近日她拍的第二個廣告，網友不禁表示相當諷刺。

雯雯與Steven屢傳婚變卻生完一個又一個，年初雯雯終面臨爆煲鬧爆老公，疑正單方面申請離婚，身為三子之母的雯雯打起精神，開網店賣寵物零食及童裝，亦接廣告自力更生養活兒子。近日她貼出新廣告照片，竟是代言人貸款公司﹗

廣告照上有三隻馬騮公仔寫住：「要照顧一家幾口，全職媽媽都要出嚟搵錢幫補家庭開支，但係湊住三隻馬騮…好難搵到full time工作，想發展ig shop、小生意，又要前期資金…」雯雯留言：「好開心同好特別的一次合作和參與！多謝你哋！」有收入固然開心，但網友不禁問屢傳欠債的Steven有否光顧，代言後借錢是否有回贈。