《造星5》天宇鬧評判滅燈最終出局 MC張天賦:希望佢會反省自己

撰文:鄺鈺瑩
出版:更新:
Tim在《造星》上讚參賽者比Nice(右2)更好,Nice笑言準備在音樂會唱歌力證實力。(梁碧玲攝)

MC張天賦與Dear Jane 將在8月舉行拉闊音樂會,5人今日齊齊出席記者會。首次與樂隊開騷,MC有意挑戰打鼓,而他亦期待自己的作品改編成band sound 。音樂會以愛情為主題,Tim表示歌單上一定會有《到底發生過什麼事》及《哪裡只得我共你》,而MC就私心希望會有《無可避免》。

MC在新戲中與吳君如合作,他透露最唔習慣係要素顏上陣,雖然暫時與君如未有太多對手戲,但他不忘讚前輩搞笑同十分友善,而他亦已預留音樂會門票給對方。(梁碧玲攝)

Tim最近在《造星5》擔任評判,他大讚參賽者構思表演時十分有心思,但問到他在第一輪小組比賽時,大讚參賽者又會打鼓又唱得歌,比Nice更優秀,Tim即表示:「我講笑咋,其實嗰刻工作人員話好多嘢都會edit走,叫我放心。我都唔記得之後仲有無講,但真係幾好睇。」Tim表示希望大家順利完成比賽,將來有緣亦可在音樂上合作。

19歲參賽者王天宇因態度問題而受到網民熱議。

MC表示無論係《造星》抑或其他歌唱比賽,自己都十分渴望做評判,而他會比較看重參賽者台上能否帶動氣氛。而提到因被Edward Chan搣燈、復活失敗嘅天宇,曾與對方busking 嘅MC就話:「坦白講,人誰無過呢。今次引起咁大迴響因為佢上咗電視,希望佢會以呢一次事件引以為鑑、會反省自己。我其實好欣賞佢唱歌、busking ,不過佢今次入唔到圍,都係得到應有懲罰,佢受返自己嘅過錯,希望佢喺未來音樂路上、態度上有改進。」

MC當年參加《造星》因經常遲到而引來其他參賽者的不滿。(梁碧玲攝)