【Design你識條鐵】碎石塞渠蓋去水孔？　路政署：新設計

早前的連場大雨，令不少無法去水的去水口現形，當中有的更被堆積已久的垃圾塞住，但部分堵塞卻看似是人為造成。有人發現街道上有去水渠蓋被疑似瀝青的物體封住，而「幕後黑手」竟然是路政署！

九龍灣常悅道和宏冠道交界的一個去水渠蓋，早前被發現其去水口塞滿了黑色的碎石，令不少人懷疑去水口被工程瀝青誤封，無法去水。觀塘區區議員潘任惠珍表示未有收到有關投訴，但向路政署查詢後，得到的回覆是該渠蓋為試驗中的新設計。

「起初見到都覺得怪嘅，佢又唔係好似一般有垃圾咁塞，而係好公整。」潘任惠珍指，據路政署的回覆，塞在去水口的並非瀝青，而是被嵌上的疏水碎石。就此設計，她估計碎石是為了防止有垃圾掉入渠中：「一般嘅蓋會有垃圾塞啲去水孔，但如果鋪咗碎石，去水效果又理想，咁就可以避免垃圾造成渠道淤塞嘅問題。」

新設計的渠蓋現時只有一個，路政署亦在試驗其表現及可行性。雖然現時尚未收到有關渠蓋的投訴，但潘任惠珍估計其疏水能力未必夠一般渠蓋快：「一定比平時咁大個窿嗰啲冇咁快，咁佢哋(路政署)就要取捨囉。」