黃子華原打定輸數走人 推薦大家睇《填詞L》 ：我都蝕過好多錢
撰文：鄺鈺瑩
出版：更新：
《毒舌大狀》在《第四十二屆香港電影金像獎》中，勇奪最佳電影，黃子華、謝君豪等人在後台訪問時，表示準備頒發最佳男主角時心情緊張。黃子華︰「因為一個獎都無，我就好想攞，因為可以畀導演攞返屋企，我係希望咁樣，對我嚟講係更好嘅結果。」問到本身由劉青雲任頒獎嘉賓，是否有一絲希望，子華表示：「唔關事，有佢喺度咪仲無運行。」
《毒舌大狀》團隊於慶功宴上大合照。（梁碧玲 攝）
黃子華再強調自己希望上台是因為想將獎座送畀導演，但梁朝偉得獎也是應得的。（梁碧玲 攝）
《毒舌》團隊其後出席慶功宴時，子華表示心情如坐過山車，但已稍稍平伏。「因為聽唔明是枝裕和講咩，本身打算走，直到見到佢哋啲反應。」子華再強調自己希望上台是因為想將獎座送畀導演，但梁朝偉得獎也是應得的。「即係你問我，我都唔介意講，我好鼓勵大家去睇《填詞L》，我有睇，同埋因為我試過蝕咗好多錢。（拎完最佳電影，會唔會唔怕蝕再拍電影？）我會叫人（投資）。」
王丹妮昨晚才由多明尼加返港，她表示能見證《毒舌》獲獎十分開心。（梁碧玲 攝）
子華提到在台上之所以咁感動，係因為當初導演編劇找來大律師針著每句對白，而對方每句都會「你哋咁唔合符法律精神」，花了好幾年不停爭拗才有此作品，所以是值得有獎。
子華神笑稱自己影壇新人，不及Dee哥作品多，Dee哥謙虛表示自己是影壇嫩苗。（梁碧玲 攝）