梅小惠近日到香港電台《舊日的足跡》接受車淑梅訪問，談起曾志偉回巢無綫擔任副總經理，掀起一股回巢熱，網民更選出十大最想見的回巢藝人，其中包括阮兆祥、金剛、謝天華、毛舜筠和梅小惠等。小惠更得悉自己在榜中排行第八：「我咁清楚因為周邊朋友同家人話畀我聽，叫我快啲出返嚟做，不過我都覺得電視台唔應該只有受尊重嘅藝人帶住年輕人，而冇咗40至60歲嘅中層，其實嗰啲人選大有人在，年長嘅藝人唔使咁吃力，所有電視台都應該百花齊放。 」