不少有車之人，都曾試過做順風車司機，載朋友們一程。但不少乘坐順風車的朋友，卻不太懂得坐車「禮儀」，以致暗生嫌隙。有網民就詳列最令人討厭的乘客行為，原來最多乘客都愛大力關門，令車主「肉都痛埋」。

日前在Facebook「小心駕駛（討論別人駕駛態度）」群組中，有網友詳列十項「你最討厭嘅乘客」的各種行為，例如「全部坐晒喺後面當你司機」、「肆無忌憚開你啲櫃桶八卦」、「大大力閂你度車門」，甚至「順路去兜埋佢啱啱放工個女朋友」，帖文一出，不少車主都深同身受，留言多達二百多個。不少網民表示「十個都中晒」，而當中最多車主親身感受到的，就是「大大力閂你度車門」，有網民直言「係死罪」、「好似同架車有仇咁」、「作為車主好肉赤」。

另外，亦有其他網民分享更多「慘痛經歷」，「在車上面撩鼻屎，仲想揩落張櫈，俾我望到喝停佢」、「一上車就教車師傅上身，喺隔離不停咁指指點點」，甚至「一上車就除襪再放隻腳上擋風玻璃」，不過相信令車主最難忍受的，還是「在車上食榴槤」。