埋單計數：歐國盃模版球衣大戰　邊個牌子勝出先？

今年歐國盃，未鬥到最後個場都未知邊個會係冠軍，咁波衫嘅歐國盃大戰呢？
又邊隊（即邊一個品牌）領先緊呢？
今屆歐國盃嘅參賽者共有6隊。其中 adidas 有10個、Nike 有26個、Puma 有5個、Joma，Errea 同Umbro 各有1個。

【編按：波三痴趁歐國盃期間，按各品牌分析模板球衣的變化，之前兩篇分別為Nike篇、Adidas及Puma篇】

成績同銷量成正比​　adidas 多隊出局　需減價速銷

先講adidas。佢哋嘅代表，分別有阿爾巴尼亞、比利時、德國、匈牙利、北愛爾蘭、瑞典、西班牙、威爾斯、烏克蘭以及俄羅斯 10隊。但分組賽完結後，就只係得返 6 隊，八強更加係得返 3 隊。

以大戶嚟講，絕對唔算得上好成績，因為隨住球隊出局，往往球衣就會滯銷，為求不致血本無歸，好多球衣店都選擇減價速銷。所以球隊成績同銷量往往係成正比。

喺 adidas 嘅代表裏面，相信最好賣嘅一定係德國、西班牙同比利時。但可惜嘅係西班牙同比利時已經出局，因此最有叫助力嘅只係得返德國，以今屆成績嚟講，絕對唔算得上係好。

英格蘭同克羅地亞出局　影響Nike銷情

第二大代表 Nike 有6隊，分別係英格蘭、法國、葡萄牙、土耳其、克羅地亞同波蘭。由分組賽到16強，成績其實十分驕人，由 6 變 5，只係損失左土耳其一隊，而去到 8 強，都仲有 3 隊。但一向多人追捧嘅英格蘭，同係球衣界一向有不俗銷量嘅克羅地亞出局，相信影響到唔少銷量。

Puma 主打意大利　惜八強行人止步

第三大代表 Puma 一開始有 5 隊，分別係奧地利、意大利、瑞士、捷克同斯洛伐克。一睇都知主打意大利，但可惜最終喺八強行人止步。反而斯洛伐克喜出望外，令到有不少追捧者都想買返件，始終咸錫同史基泰爾都仲有一定吸引力。

最後，原本只係志在參與嘅 Joma（羅馬尼亞），Umbro（愛爾蘭），同 Errea（冰島）反而有啲喜出望外。愛爾蘭入到 16 強唔在講，冰島更加殺退英格蘭進入 8 強，令到其球衣全球斷市，Errea 亦得密密趕製新一批球衣應市。原本一個小小嘅意大利帕爾馬運動牌子，我諗佢估都估唔到可以憑住今屆歐國盃大豐收！

（本文純屬作者意見，不代表香港01立場。）