39歲前當紅TVB小生加入執笠潮 大呻市道唔好仲加租：停車位又冇
撰文：張寧兒
出版：更新：
現年39歲昔日當紅TVB小生蔡淇俊，近年北上發展轉戰飲食界，並轉營做抖音KOL，分享做演員及執笠辛酸，賣雞腳又無生意，並自揭勾富婆真相，成功以「賣慘」吸引流量。
蔡淇俊當年備受力捧！（VCG）
蔡淇俊在2005年曾與大自己3年的陳自瑤姊弟戀兩年！（VCG）
蔡淇俊近日拍片又自爆經營近5年的美容院執笠，他一邊執拾細軟，一邊大呻：「唉，捱得過三年疫情，捱唔過加租。有冇搞錯，咁嘅市道仲加租啊！早兩年唔見佢減租。」蔡淇俊之後又走出門外，又呻門口沒有停車位，「其實我呢度停車位又冇，我真係唔明點解仲要加租。」並稱見到不少隔籬舖頭都執笠，但他未放棄創業念頭，「或者我我搵到個平啲嘅地方，開過間。」
《同事三分親》後，蔡淇俊在無綫事業開始走下坡，在《宮心計》的戲份淪為配角。
蔡淇俊拍片大爆過氣藝人點生存。(小紅書)
蔡淇俊又留言表示：「現在還有雞腳店，咖啡店，抖店也在做雞腳，接下來準備做花膠，做榴蓮，生命不止，奮鬥不息。努力做好電商」又表示：「我會一直創業，永遠不會放棄奮鬥」。有人留言問：「你還有幾多間店啊？」蔡淇俊回覆仍有三間店：「還有一個咖啡店，雞腳店，還有抖店」；又有人窒蔡淇俊有富婆包底，「反正你有富婆兜底，怕條鐵」，蔡淇俊耐心回覆：「你想多了，一直在靠自己，問心無悔」。
蔡淇俊自爆美容院執笠。（抖音）
大呻捱不過加租。（抖音）
仲問有無人要店內物件。（抖音）
執包袱走。（抖音）
蔡淇俊指店外沒有停車位，點解要加租。（抖音）
蔡淇俊話想做花膠同榴連生意。（抖音）
蔡淇俊稱仲有三間店。（抖音）
積極回覆留言。（抖音）