【讀Poly你要知】文青look係基本 Z座係毒X集中地？
關於PolyU的傳說離不開男女關係：四大淫soc、hall雞、多靚女、個個都係文青男女神。真相係點眾說紛紜，freshman入讀之前不妨先了解多啲。
過期大學生
曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。
1. 四大淫soc
傳說中的四大淫soc有天文、魔術、攝影和戲劇學會，所謂同枱食飯各自修行，一個soc養百樣人，淫唔淫其實視乎各人的造化。這四大學會的活動較多，比較多認識新朋友的機會。不過，話人知你想入天文學會，師兄姐們會給你一個會心微笑，因為等於公告全世界你想出pool拍拖。天文學會開宗明義為觀察天象，活動當然不少得拖住手仔觀星和行夜山，出發前更會先pair up男和女互相照應，大伙兒上山後更會一起紮營過夜睇日出。
2. 行hall tour等於interview
沒有哪個hall最好, 只有那個hall最適合你。Poly一共有9個宿舍各有特色，但人少不免貌相，reg day當日行hall tour其實等於interview，某些hall會mark定人選，預先問定freshmen名字揀定先。例如勵志堂和成德堂主sell靚仔靚女，兩hall更會在ocamp時跳舞battle；利生堂為傳統Sports hall，u-team聚居地；學敏堂為唯一女hall， 聽聞GPA 最高，不時會與其他U搞聯校活動。而hall ocamp一向比其他大o玩得放，男女身體接觸會比較多，參加得就要有心理準備。
3. 必備文青風style
Poly人穿衣風格公認比其他大學好，返學著開校服的中學牛或許一時未能適應朝朝要襯衫的壓力。自問沒有個人風格不妨參考文青look基本款：圓形眼鏡、布袋、闊腳褲、畫家帽。但不用過份擔心，正如「女神同凡人一樣都係會屙屎」，去到學業繁忙的sem尾個個都係頹look，睡衣加人字拖摺拉把，或者帶帳蓬返soc房訓。
4. Enginee仔註定毒自一人？
地理環境上工程學院長駐於校園最北的Z座，離主校園的建築群相隔一條漆咸道，由紅磡校園入口來往學院大樓需約10分鐘。有見及此，校方建造有蓋天橋接駁C座創新大樓與Z座，預計下年初完工。
5. 自己餐晏自己救
位於紅磡的Poly地理位置四通八達，面向黃埔背靠尖東，雖然校園內選擇算多，但都不外乎美心大家樂，食得多都悶，黃埔雖然無咗時新漢堡包，林記辣魚蛋燒賣、一豆花也是有名的平價之選；尖東「食街」出名多街頭小食，有抵食平價手卷和串燒，亦有學生哥最愛的譚仔。
6. 酒店級廁所
人有三急通常都希望快脆搞掂，可惜女廁經常大排長龍，上年新建位於V座的賽馬會創新樓，大樓洗手間號稱酒店級，少人用乾淨兼不用排隊。
7. 做夠運動先畢到業
Healthy life style為所有Poly學生必須修畢的科目，可幸的是課程不計成績，不用擔心拖低GPA。學生要先reg科上體育堂，完成1小時的體能測試，然後上4小時理論課程，再進行2小時的體能訓練，另於課外參與9小時相關活動，符合指定時數才能畢業。
你都想成為開筆一份子，稿件可電郵至opener@hk01.com；文章純屬作者意見，不代表開罐立場。
【入U一定要知】
CityU四不像唔好亂掂 坐輪椅都要Dem beat？
樹仁去得到看不到的LG5.5 最港最短sem break
港大最快點去中大？ 豬皮鬼一生只能聽一次
UST大學中的少林寺？校內有偷情小徑
BU著學袍扮Harry Potter 全人教育冚家X？
讀OU本地生冇Hall住 想順利畢業記得交畢業費
一句激嬲珠海學生 讀4年必會遇到的尷尬事
教大畢業帽咪亂摸 住Hall都有得揀5星級？