【讀CityU你要知】四不像唔好亂掂 坐輪椅都要Dem beat？
Jupas日前放榜，入讀城市大學的你，對城大的印象是否只有九龍塘又一城，或是城大con會老鬼反檯，高呼「全部同我企起身」？過氣大學生就綜合城大同學仔的意見，歸納出數點新生注意事項。
過期大學生
曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。
1. 又一城市大學
城大校園與九龍塘又一城相連，同學步出港鐵站後，穿過又一城便可到達校園。城大同學仔笑言，「方便係幾方便嘅，唔洗帶遮」。又一城又集food court與戲院於一身，相比起同在九龍塘的浸會大學，地理位置上已贏九條街。
2. 想畢到業就要注意
每間學校也總有些傳說，做了甚麼就不能畢業、做了甚麼就GPA不過三。城大也不例外。城大入口有五道門，有指若在中門出入，GPA就不能過三，故不難發現每次到城大，同學們都在左右有蓋通道，經左右門出入。過氣大學生曾因趕時間而從中門而入，惹得不少人目瞪口呆。
除了中門外，城大亦有傳說指，「摸過四不像會畢唔到業」，另有一說是「爬上四不像會畢唔到業」。有城大同學指，有迎新營會視「爬上四不像」為其中一個task，要求新生跟著做，考驗新生膽量。
3. 四大soc
城大有著名四大soc（學會），但究竟是哪四個學會？過氣大學生與數名城大生及畢業生傾談後，卻有不同版本。有人直言「In soc（投資學會）、水會、天文……第四個要諗諗」，亦有人指「第四個soc好似一個謎咁」。雖然如此，亦有同學指，四大soc的第四個學會為舞蹈學會（DanSo），或是劇社（Dram Soc）。
至於入學後是否一定要入四大soc，其實見仁見智。在Google搜尋「城大四大soc」，便可尋到題為「[CityU]行完木人巷先知4大soc係伏」的高登討論區舊帖文，稱「我覺得4大soc真係無我想像中咁拎巴（把）炮」。講真，join咩soc係睇自己鍾意啲咩，隨波逐流勉強加入又有咩謂呢？
4. Hall
城大共有十個舍堂，有城大同學仔指，「hall嚟講3同6比較玩得，6應該係最有歸屬感嘅，房門會攝住樽蓋（意指不關門），大家可以隨時入去，都係一種信任嚟嘅」。亦有城大同學指，「Hall 6同9出名比較玩得，Hall 5出名比較摺」，故一眾只想收心養性住hall讀書的同學，亦不乏選擇。
5. 城大特色tee
不難發現城大同學愛穿著左胸前寫上「城大ＸＸ（學系名稱）」的T恤，有城大同學指，此設計在數年前開始普及，城大生亦相當喜愛，「差唔多每個soc都有」，並指「自己一堆friend有時都會整，例如城大廢青咁」，盡顯創意。
6. 彩蛋：坐輪椅都Dem beat？
數個月前連登討論區有一帖文，稱「坐輪椅DEM BEAT算唔算係博盡無悔既典範」，並分享一條相信是2015年城大迎新營的YouTube片段。城大同學仔指，這種甚有氣勢的Dem beat及House dance，是「大O」的必備部份。
該同學指，過往「大O」誓師，會在胡法光運動中心陳大河綜合會堂進行，直言「好震撼」。但由於陳大河會堂於2016年館頂天花倒塌，該YouTube片段已是最後一年在陳大河的「大O」誓師」。同學仔又形容「大O」誓師「都係相對地認真同埋高質」，加上「同埋會有老鬼喺看台位support，係比較震撼」。
你都想成為開筆一份子，稿件可電郵至opener@hk01.com；文章純屬作者意見，不代表開罐立場。
【入U一定要知】
樹仁去得到看不到的LG5.5 最港最短sem break
Poly文青look係基本 Z座係毒X集中地？
港大最快點去中大？ 豬皮鬼一生只能聽一次
UST大學中的少林寺？校內有偷情小徑
BU著學袍扮Harry Potter 全人教育冚家X？
讀OU本地生冇Hall住 想順利畢業記得交畢業費
一句激嬲珠海學生 讀4年必會遇到的尷尬事
教大畢業帽咪亂摸 住Hall都有得揀5星級？