【讀EDU你要知】畢業帽咪亂摸　住Hall都有得揀5星級？

「香港教育大學」前身為「香港教育學院」，於2016年終於正名為大學，成為香港第十間大學。叫得「香港教育大學」，當然以培育師資為目的，所以入得教大，十居其九都係想做教師(好似係)，絕對可以拍套「教師與他們的產地」。

香港教育大學（教育大學網上圖片）

過期大學生
曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。

傳聞校方為了保障新生有優先入住宿舍的權利而實行「宿卷」制度，新生會有兩張宿卷，擁有宿卷可不理會宿份之計算而直接住Hall一個學期，一張沒有限期而另一張只可在Year 1使用，逾期失效。

校方為了保障新生有優先入住宿舍的權利而實行「宿卷」制度，背景為羅富國堂。（網上圖片）

教大位置偏遠，巴士方面只有74K經過，但教大同學形容等到天荒地老都未等到車，故此大部分學生都以校巴出入校園。千萬記得要帶學生證出門口，因為司機會要求你用學生證去拍車上面部認證機，無學生證真係分分鐘無得搭。

教大提供收費穿梭巴士，來往大學港鐵站及香港教育學院。（網上圖片）

教大有個傳聞，學生在畢業前觸碰到別人的畢業帽會不能如期畢業，雖似荒謬，但教大學生們都抱著「寧可信其有」的心態。

根據校方資料顯示，2016年全日制的男女學生比例為1:3，數年前更因女學生的比例急增，校方把部分男廁改裝成女廁，還在地庫樓層增加女廁數量。有男學生戲言「有少少急就要開始搵定廁所」。

JC Hall全名為「賽馬會學生宿舍」，原本係高級教職員宿舍，最大特色是每個單位都是獨立式設計，可揀12人房或9人房，每間都逾千呎，除了有廳和電視外，更有露台可欣賞無敵海景，夜晚出走廊更可以睇星！

宿生評價「JC Hall啲單位夠大，可以同成班朋友租屋住，但山上太潮濕，有時會濕到生菇」，有意搬出來住的新生可以藉此機會物色一下「同屋住」。

賽馬會學生宿舍(JC Hall)依山而建，以獨立家庭式單位設計。（網上圖片）

（你都想成為開筆一份子，稿件可電郵至opener@hk01.com；文章純屬作者意見，不代表開罐立場。）