雖是 Google 旗下的 AI 公司 DeepMind 研發，但「AlphaGo」的「Go」不是「Google」的簡稱，而是圍棋的英文名。圍棋常被視為最難學難精的棋類遊戲，以平均每局 200 步來計，就算只推算 4 步之後的可能情況，已足有 3,200 億種，聽到都頭痛。

不過來自韓國、外號「飛禽島少年」的李世石，卻自小已覺得這遊戲其樂無窮，未到 30 歲已贏過數十場大小賽事。他的棋路以變幻莫測、「估你唔到」聞名，理應是電腦最怕的那種對手，所以今次與 AlphaGo 對決前，他曾信心十足地揚言要五盤全勝，誰知真正落場時卻連輸三仗，令不少人有感人腦果然不如電腦。

但正所謂世事如棋局局新，正當大家已準備好對李兄講句「唔好灰心」之時，他卻以被形容為「神之一手」的妙棋，在第4局扳回一城，證明人類仍有能力勝過 AI。

話時話，五盤三勝，點解仲要捉第4局？原來，今次比賽不僅終極贏家獨取 100 萬美元獎金（！），就算李兄輸足五局都有 15 萬「參加費」（！！），加上每贏一局再袋兩萬，畀着你，捉唔捉？

延伸行動

我哋啲凡人都係去捉五子棋算吧。