Kris吳亦凡上電台冇freestyle　Gabby Diaz:仲有冇同EXO成員聯絡?

2014年韓國男團EXO前成員吳亦凡（Kris）喺人氣正紅嘅時候，決定向法院提出跟所屬經理人公司SM Entertainment的合約無效，而吳亦凡自退出EXO後，便將事業重心轉回中國，早前出演《中國有嘻哈》更因一句「你有freestyle嗎？」引起熱潮，被大眾瘋狂抽水！之不過，一直以來吳亦凡都未有對退出EXO一事多加談論，但幾日前吳亦凡參加Gabby Diaz主持嘅美國電台節目時，就被問到「點解會退出EXO？」同「仲有冇同EXO成員聯絡」？

雖然吳亦凡都面有難色表現尷尬，但佢都選擇喺乾笑兩聲後正面回應Gabby Diaz嘅問題，Kris表示：「首先我唔係韓國人而係中國人，韓國對我嚟講唔似屋企，只係工作地點，因此覺得壓力好大。」而吳亦凡最主要退出EXO嘅原因，其實係Kris真係好想去唱同表演佢自己想做嘅音樂，但喺韓國時就只能夠聽從SM娛樂嘅安排、計劃去做，面對諸多制肘嘅情況下，吳亦凡只好選擇離開。

吳亦凡之後都有補充：「毎個人都冇自由，當時對我嚟講壓力真係好大！」之後Gabby Diaz問到吳亦凡仲有冇同EXO成員聯絡時？吳亦凡就尷尬乾笑兩聲再回答：「已經無聯絡了！」可能呢個真相對於EXO-L（EXO粉絲）嚟講，真實得非常殘忍！不過吳亦凡同鹿晗、TAO黃子韜等人同樣喺離開EXO後，經常活躍喺國內，或多或少都應該有機會碰面，唔知吳亦凡又有冇撞到過仍留在EXO的中國成員Lay張藝興呢？

【澳門電影展】 D.O都敬秀@EXO明年有新作：會好享受同感到幸福

吳亦凡電台訪問片段

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/