【萬千星輝】最受歡迎電視男角色 馬國明奪獎無多謝心穎
撰文：黃梓恒
出版：更新：
《萬千星輝頒獎典禮2017》最後三個獎，就是「最受歡迎電視男角色」這個緊次視帝的獎項，好多有發揮的演員未能拎到視帝都會拎呢個獎，雖然有人會一次過包攬晒兩個獎，不過實在好少出現，鄭嘉穎、黎耀祥和陳豪都分別試過。
由兩位《再創世紀》的女主角頒獎。（電視畫面）
五強分別有－馬國明飾演的馬季，袁偉豪飾演的徐天堂，蕭正楠飾演的袁崇煥，王浩信飾演的程日暉，陳豪飾演的鄺港生。結局就係馬國明大熱奪得，馬明說：「無諗過會拎獎，要多謝《降魔的》編審同監製，我都講過一生人未必遇到好多好劇本，《降魔的》絕對係其中兩三個。我已經唔知講咩喇，雖然今日公司講咗唔準多謝某啲人，不過咁多女藝人都唔理限色令，所以我都唔理咁多喇！多謝樂小姐，我唔太聽話你都對我咁多，多謝珍姐，我喺度17年你鬧足我咁多年。多謝《降魔的》台前幕後，TVB所有工作人員！」無多謝心穎喎但係！
佢做乜唔多謝心穎。（電視畫面）