【紙飛機的天空】歐陽震華演舞台劇　陳志健有幸參與：佢教我好多

歐陽震華和萬綺雯主演的舞台劇《紙飛機的天空》正在上海火熱上演，一大班大家熟口熟面的演員，梁琤，黃德斌，唐寧，張學潤，楊天經等都有份參與，這套舞台劇用了香港常用律政題材作主導，得來的評價尚算不錯。而有幸參與演出的前港男亞軍陳志健(Otto)更表示無論台上幕後都一樣咁開心。

【兄弟】陳志健唔只做演員咁簡單 撈埋拳擊顧問好專業

【踩過界】每個角色刻畫夠深 陳志健：只有一個角色爆係未必好睇

在接受《香港01》訪問時，Otto說：「舞台劇喺上海度做，主要係講香港情懷，我同同劇大部分演員都合作過，好開心㗎，雖然我只係做五場，但埋好多嘢我都唔係好熟，佢哋都會教我好多嘢。第一次喺上海蘭心大劇院演出，劇入面我係做Bobby（歐陽震華）徒弟，佢教咗我好多嘢，喺台上嘅玩法、走位，佢同德斌都提咗我好多。蚊蚊（萬綺雯）做我師母，對手戲唔多，但佢都關係我啲走位點走。今次第一次同上海單位合作，照顧得我哋呢班藝人好好，希望仲有機會合作喇。」蘭心大劇院是中國第一座西式劇場，即使搬遷過，但歷史價值依然相當高，可以入去做表演都是一定的榮譽！