胡定欣年幾無拍拖好dry？ 有男仔出現都錯過：食下飯都無時間
撰文：冼燕珊
出版：更新：
定欣近年人氣急升，工作接踵而來，無時間拍拖，今年情人節工作中度過。（冼燕珊 攝）
胡定欣近年事業得意，所演角色深入民心，工作接踵而來，做嘢愈來愈忙，連拖都無時間拍，拍緊TVB劇集《包青天再起風雲》嘅定欣今日出席時裝活動時話：「今年情人節要開工，同包大人（譚俊彥）、公孫策（曹永廉）過。」
定欣仲話自己已經年幾無拍拖，咁咪好dry？「其實工作填滿咗我所有時間，身邊又有咁多同事，而且都咁大個人，無咁恨過情人節喇。」唔恨過情人節，恨唔恨有情人先?「當然憧憬有另一半啦，都有條件不錯的男仔出現，但工作真係太忙，莫講話拍拖，連見個面食下飯都無時間，希望緣份到會遇到適合嘅人啦。」希望定欣嘅真命天子快啲降臨啦！
定欣話身邊都有條件唔錯嘅男仔出現，但未有時間深入了解。（冼燕珊攝）
希望真命天子早日出現啦。（冼燕珊攝）