胡蓓蔚單立文21年愛情路 始於豹嫂主動出擊:成日借故上佢屋企
撰文:冼燕珊
出版:更新:
豹嫂胡蓓蔚(Paisley)同老公單立文拍拖11年,結婚10年,兩人整整一起走過21年的歲月,是圈中有名的模範夫妻,這天下午,約了Paisley細談她與豹哥二十年的感情:「我哋嘅相識始於音樂,豹哥係唱片公司老細介紹畀我認識,佢係我第一隻碟嘅監製,嗰時成日借故上佢屋企練歌,當時對佢唔係特別有意思,係練吓練吓開始『有啲嘢』,久而久之,慢慢變得一唔上佢屋企,就好似有啲咩未做咁。」
胡蓓蔚細談與豹哥的相識經過。(黃國立攝)
Paisley以歌手身份出道,當年只有 24歲,剛入行不久,與同樣熱愛音樂的豹哥趣味相投,Paisley大讚豹哥有才華,雖然未至於心生仰慕,但對他相當欣賞:「我果時幫佢起咗個朵,叫『人肉卡拉OK』,佢一拎起支結他,咩歌佢都識彈,佢聽一次就識彈,覺得佢好厲害。」Paisley說,加上他說話不多,望落好cool,令她覺得他很有型,不過談到與現在的豹哥,風趣幽默,形象好像有點落差,Paisley笑說:「依家成個親善大使咁係咪?可能因為人會變啦,不過依然成日嫌我嘈同多嘢講。」
Paisley大讚老公非常有才華,聽一次歌就會彈。(黃國立攝)
+2
兩個人愈走愈近,愈來愈有默契,情愫漸生,終於在1996年年底,其中一方主動走前一小步,才能促成一段良緣:「無話邊個追邊個,兩個人互相對對方有意思,你會感覺到嗰種空氣中嘅特殊電波,只係欠一個人開口問,我算係叫做主動行第一步,問佢要唔要開始呢段關係,其實大家都對對方有感覺先會Take action,我唔會向一個對我無意思嘅人表白。」之後兩人一起拍了11年拖,本來是「不婚主義者」的Paisley,卻因為朋友的一句說話而決定與豹哥結婚。
+5
場地:OM Tapas