胡蓓蔚單立文拍拖11年曾是不婚主義者 因朋友一句說話結婚
撰文：冼燕珊
出版：更新：
豹嫂胡蓓蔚與老公豹哥單立文，從1996年底開始拍拖，一起走過11年，很多情侶要不就這樣維持下去，要嘛早幾年已經結婚，Paisley也說自己原本是一個不婚主義者：「我本身從來無想過結婚，只要我喜歡那個人我就同佢一齊，很純粹，沒有多想佢條件如何，家底如何，反而我爸爸媽咪就有啲擔心，因為豹哥始終係音樂人，佢哋擔心佢收入唔穩定，不過擔心還擔心，但都唔會反對，咁我哋如是者一齊咗好多年都無結婚。」
Paisley曾經是不婚主義者。(黃國立攝)
+1
直至他們拍拖第十年，Paisley與一個老朋友相聚，對方的一席話令她受到啟發：「當年有一個好耐無見嘅設計師朋友返嚟香港，以前佢係好型好cool嗰種人，講起結婚生子嗤之以鼻，覺得唔會發生喺佢身上，我當時同佢對於結婚嘅睇法一樣，但過咗幾年佢就結咗婚生埋仔，我去探佢，佢突然同我講：『Paisley，其實你同阿Pal都拍咗十年拖，其實係咪要諗吓你哋人生嘅下一步。』」
Paisley同豹哥拍拖11年，因為同是曾為不婚主義的朋友的一句說話，而思考要不要結婚。（IG圖片)
當連同樣「不婚主義」的「戰友」都已經結婚生子，令Paisley也不禁思考與豹哥的關係是否應該有些改變，她回家後直接問豹哥：「我哋係咪應該要結婚？」而豹哥也不加多想就答應：「好啊！我們結婚吧！」然後翌年年初，兩人便結婚了，當年的兄弟姊妹團還包括陳奕迅、容祖兒、蔡卓妍、胡定欣、陳法拉、李亞男、張敬軒、側田及陳莉敏等，Paisley契細佬張敬軒當時還擔任姊妹呢。
胡蓓蔚單立文21年愛情路 始於豹嫂主動出擊：成日借故上佢屋企
最後Paisley與豹哥於2008年成婚。（視覺中國）
結婚當日的兄弟姊妹團星光熠熠。（視覺中國）
遇到喜歡的人就走在一起，想單純地談戀愛，就專心談戀愛，到了一天想結婚就結婚去，Paisley很滿意這樣的隨遇而安，她說人生不用刻意去計劃：「我有時覺得刻意去安排，勉強去做反而唔Work。」而豹哥豹嫂從拍拖到結婚，如何能一起同行21年，Paisley說：「所有功勞歸於我老公。」
場地：OM Tapas