森美接受到另一半曾經係PTGF：真係愛嘅佢做過咩都得
撰文：張嘉敏
出版：更新：
森美主持的商台節目《早霸王》經常為聽眾解答愛情問題，漸漸已經被大家當了做愛情專家，問到森美身邊有無朋友當佢係顧問咁問意見，森美說：「平時都會有朋友問㗎，但我又唔覺得自己係咩出色嘅愛情專家，本身無乜愛情煩惱。自己都係拍咗兩次拖，太太就係我第三個女朋友，就拍到結婚喇。所以我喺愛情路上其實無咩經驗。」
森美話自己無咩愛情經驗。（梁碧玲攝）
唔講唔知，原來森美好多時都是靠FF來幫聽眾：「我靠幻想多，我睇愛情好簡單，唔會諗得咁複雜，可以理性啲去解決問題，經歷得多反而會諗太多，好易變得唔樂觀。對我嚟講愛情同關係可以分開，鍾意一個人唔一定要一齊，就好似偶像咁。」
相關文章：
【早霸王】女友嗌分手挽留失敗 森美一語中的： 要知自己錯咩！
森美幫人解決愛情問題好多時靠FF。（梁碧玲攝）
提到近日有網友開post討論真愛係唔介意另一半曾經係PTGF，問到森美點睇，他說：「啱吖，畀我都會接受到，真愛係唔會介意，其實係睇你愛自己定係愛對方多啲，如果愛對方多過自己，就會咩都以對方為先，佢做啲咩你都會接受到。」咁森美又係咪愛老婆多過愛自己呢？他笑言：「呢樣就難講喇。」他身旁的阮小儀即說：「但係以局外人身份去睇，我肯定森美老婆愛自己多過愛佢。」
小儀話森美個老婆愛自己多過愛森美。（梁碧玲攝）