鍾嘉欣分享懷孕飲食心得　笑言自己陀「大隻B」

鍾嘉欣今日以一件襯衫連身裙亮相一個養生品牌活動，早前宣佈懷有第二胎的她，容光煥發，四肢依然纖細，就算以泳裝示人都不怕呀。

大肚鍾嘉欣直播擺烏龍　第二胎原來唔係意外：一擊即中

活動上，嘉欣和大家分享自己首次懷孕的「蝦碌事」，自爆當初錯將身體不適當作流感看待，還差點出事，好在最後有驚無險。雖然已經是第二次懷孕，但嘉欣今次就「害喜」得厲害，做媽媽真是一點也不容易呀，不過嘉欣都覺得自己的經驗豐富了好多，相信好多問題她都可以迎刃而解。嘉欣還透露最近和老公一起去照超聲波時，醫生說BB發育得好好，好健康好大隻，所以嘉欣都笑言自己陀「大隻B」，不過她和老公就囑咐醫生不要告知BB性別，等兩人好有所期待。

鍾嘉欣唔怕痛準備生第二胎：神創造女人就係要生BB

除此之外，嘉欣還大談第一次餵人奶就已經好順利，她覺得餵人奶不止對BB的健康和免疫力有益，更是同BB最好的親子互動：「你會真真正正感受到媽媽和BB嘅關係，可能母愛就係呢一種感覺，BB就算大個咗，呢種感覺都會無形間植入喺佢嘅感覺裡面，關係都會好啲。」嘉欣指大女兒Kelly大約六個月左右就開始吃加固體食物，所有食物都由她親自下廚：「煮嘢畀Kelly食，有好多得著，最大得著係可以啟發到我嘅育兒心得和觀念。」現在Kelly眨下眼就快兩歲，有女萬事足的嘉欣現在都以家庭為重，不知道何時可以再見到嘉欣拍戲呢？