【開心速遞】吳偉豪接受粉絲的湯水 周嘉洛：始終會有啲擔心
撰文：張嘉敏
出版：更新：
無綫處境劇《愛·回家之開心速遞》捧紅了唔少角色，劇中飾演金城安的周嘉洛與飾演朱凌凌的吳偉豪 (Ricco) 亦人氣急升，也是劇迷同網民喜愛的CP之一。今日呢對CP就為慈善出力，齊齊擔任星級店長義賣湯水，並宣揚惜食的訊息，吸引了大批市民圍觀拍照同幫襯，店員亦爭住同呢兩個小鮮肉自拍合照，有粉絲更買定湯水等兩人「收工」。當兩人完成店長工作離開時，兩名粉絲分別向他們送上湯水，Ricco欣然收下，但嘉洛卻婉拒了。
吳偉豪同周嘉洛呢對CP一齊擔任店長。（林迅景攝）
Ricco做訪問時還飲了粉絲送的湯，問到平日可有收過粉絲送的食物，他說：「有嘅，糖同朱古力嗰啲有時都會食。如果係無包裝嘅食物就會小心啲，但應該無事嘅。」至於嘉洛點解會拒絕粉絲的湯水，他說：「我叫佢留返自己飲。粉絲都會送佢哋手製嘅嘢食畀我，始終都會擔心食物安全衛生，要好小心。所以我盡量拒絕佢哋嘅食物，因為我食都係一啖起兩啖止，掉咗又浪費。」
Ricco收咗粉絲送嘅湯，而嘉洛則婉拒了。（林迅景攝）