【開心速遞】吳偉豪好惜食會清晒啲飯餸 女朋友最好識煮嘢食
撰文：張嘉敏
出版：更新：
憑住無綫處境劇《愛·回家之開心速遞》飾演朱凌凌一角而人氣急升的吳偉豪 (Ricco) ，為慈善義賣擔任店長賣靚湯，並宣揚惜食訊息。Ricco表示自己和家人都不會浪費食物：「就算有隔夜飯餸，第二日都會做早餐食埋。」別看他身形咁瘦，原來他好大食：「同朋友食飯有咩嘢食剩通常都係我負責清晒，盡量都唔想浪費食物，除非真係太飽無辦法再食得落，清到我都會盡力清。」
Ricco（左）話整蛋糕muffins唔係用嚟冧女，係畀媽咪食嘅。（林迅景攝）
講到飲湯，Ricco即使好鍾意食fast food，不過都好鍾意食媽咪煮的住家飯同愛心湯水：「媽咪煲嘅湯係最好飲嘅。」他自己就唔識煲湯喇，但都識煮公仔麵，中學時也學過整蛋糕、muffins等。至於將來的女朋友是否需要識煮嘢食呢？Ricco說：「最好識啦。」
吳偉豪咁瘦但原來好擦得。（林迅景攝）