【延禧攻略】阿Sa願為「富察皇后」秦嵐做宮女：我係男人會追佢

大陸劇《延禧攻略》自播出以來即掀起了一股追劇熱潮，就連圈中不少藝人都有瘋狂追劇，蔡卓妍 (阿Sa) 就是其中一個。呢日適逢在該劇飾演富察皇后的秦嵐出巡在港出席活動，阿Sa亦是嘉賓之一，難得可以與富察皇后同場，身為劇迷的阿Sa即時化身做小粉絲，希望能夠成功集郵。

【延禧攻略】富察皇后秦嵐直認是港劇Fans：我自細睇TVB大！

阿Sa接受訪問時表示：「我中晒《延禧》毒呀，最鍾意富察皇后呢個角色，佢死嗰幕我喊到癲咗，好傷心，仲想睇佢繼續出場。我幾日前知道佢會嚟呢個活動已經好興奮，好想見到佢，覺得佢好靚，好想同佢合照。除咗皇后，瓔珞同嫻妃呢兩個角色我都好鍾意。（想同皇后合作？）梗係想啦，就算做宮女都唔介意，我好鍾意佢嘅氣質，好獨特，好靚同埋好溫柔，有一種好想親近佢嘅感覺，一笑就會俾佢融化，如果我係男人都會追佢。」

問到可有興趣拍宮廷劇，阿Sa說：「我拍過古裝劇，但就未拍過宮廷劇，可以試下呀，啲服裝同頭飾都好靚。」而現場的阿Sa當然有捉緊機會同秦嵐合照啦，仲一齊selfie。