【過街英雄】黃翠如拍動作戲木碎入眼險盲：眼頭兩邊都割開咗
撰文：吳子生
出版：更新：
無綫劇集《過街英雄》一眾演員今日（20/9）到將軍澳電視廣播城出席拜神儀式，祈求拍攝順利，收視長紅。森美、黃翠如在劇中飾演一對歡喜冤家，森美更因一次意外被翠如弄傷了耳朵，其後裝置了一隻有老鼠基因的耳朵，身體便有了特異功能，能夠飛天遁地，有「鼠俠」之稱。森美表示：「我眼耳口鼻，手腳都有特異功能，呢套劇喺有趣動作片，當中會有好多動作，要由特技人替身幫我做啦，有啲動作拍出嚟真喺好好睇，搞到我都想拍動作電影。」
森美表示石澳「情人橋」被摧毀前兩日，先喺嗰度拍戲，第二日睇新聞就話冇咗，覺得好惋惜。（吳子生攝）
前兩日翠如因拍攝動作戲時意外受傷，有幸沒有大礙。森美擔心話：「有時我同翠如都會親身上陣拍攝，佢都會整親手，有一幕講我用手擋張木櫈，點知啲木碎入咗佢隻眼度，大家嗰一刻都好驚，好彩冇事，你知啦一個咁靚嘅女仔，隻眼傷咗好大件事嘛。」旁邊翠如笑話：「我依家隻左眼仲靚咗大咗，眼頭兩邊都割開咗，下次要割埋右邊先。」
森美話拍呢套戲集，日日好似返嚟玩咁好開心。（吳子生攝）