林曉峰離婚後首現身 除咗兒子之外冇同康子妮聯絡：我諗佢都好忙
撰文：賴家杰
出版：更新：
林曉峰（阿Lo）9月被爆與康子妮離婚後，今天（15日）首次公開現身於ViuTV的錄影節目《調查男女》，對於離婚一事他說：「我都到咗咁嘅年紀，唔會有太大情緒變動，同埋一路行落去條路係最緊要自己開心，尤其係呢個環境之下，難得搵到一條路自己做嘅嘢自己開心，咁就對自己人生最好嘅交代。」
阿Lo離婚後首次現身。（梁碧玲攝）
外界有不少傳言離婚原因是涉及第三者，阿Lo不願多談：「我唔知道，所以我唔會澄清任何嘢，（仲有私底下聯絡？)我諗佢工作都好忙，而我都好忙，所以變咗我哋聯絡係譬如關於屋企兩個小朋友都仲有呢啲聯絡喺到，至於佢新工作緊係希望佢工作順利。」
阿Lo笑言最近胖了。（梁碧玲攝）
對於二人分開的事情，阿Lo透露家中兩個小朋友其實很明白父母這個決定：「我兩個仔成熟到不得了，佢哋接受資訊好多，所以無論朋友呀、學校、媒體都幫到佢哋好多，所以我都係跟佢哋學嘢，反而佢哋好多時教我自己要Chill吓先得，唔好只為屋企做嘢。（會叫你飲返兩杯？）唔好引佢，同埋我個仔唔夠年齡。」
+4